珍奶迷必試！台灣推黑糖珍珠奶茶湯圓　煙韌流心珍珠餡＋濃濃奶香味

唔少人都一定聽長輩講過「冬大過年」依句說話，即代表住冬至比過年天要同家人一齊過。而唔少人更會喺冬至當日食湯圓代表嚟緊一年一樣會一家人齊齊整整。

而近年喺全球都吹緊一股珍珠奶茶熱，除咗平時大家飲開珍奶之外，仲有唔少其他以珍茶作主題嘅食品添！

早前台灣Family Mart就聯乘點心專門店「蒸健康」推出咗一款黑糖珍奶湯圓。

Photo from 蒸健康

以黑糖製作湯圓外皮，內餡係黑糖珍珠同流心煉奶餡，咬落除咗有煙煙韌韌嘅感覺之外，仲可以食到黑糖珍奶嘅味道，口感豐富！

Photo from 蒸健康

咬開仲會有爆漿嘅感覺添～

Photo from 蒸健康

湯圓一包有8粒，售新台幣NT$98，有興趣試吓嘅大家可以喺台灣Family Mart便利店網站預售喔！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）